(Yurub) 03 Juun 2021. Saddexda weeraryahan ee Kylian Mbappe, Cristiano Ronaldo iyo Mauro Icardi ayaa lagu soo warramayaa inay sameyn karaan silsilad dhanka suuqa kala iibsiga ah oo ay ku lug yeelan doonaan ilaa saddex naadi.
Real Madrid ayaa si adag u dooneysa saxiixa Mbappe kaasoo heshiiskiisa Paris Saint-Germain uu ka harsan yahay hal sano oo qura, taas baddelkeedna naadiga Faransiiska ka dhisan ayaa dooneysa soo qaadashada Ronaldo haddii 22-jirka weerarka ka ciyaara uu hayaamo caasimadda Spain.
Qorshaha PSG ay kula soo saxiixaneyso laacibka Juventus waxaa qayb ka ah Icardi oo Taliyaaniga ku laabanaya si uu qayb kaga noqdo heshiiska uu CR7 ugu wareego Paris.
Mustaqbalka saddexda laacib ayaa shaki weyn la galinayaa, waxaana suuqa xagaagan sida uu daabacay warsidaha Taliyaaniga kasoo baxa ee Gazzetta dello Sport la sii saadaalinayaa inay saddexda laacib u kala wareegaan saddexda naadi ee doonaya saxiixyadooda.
Gool FM.