(Barcelona) 29 Juun 2021. Xiddiga khadka dhexe uga ciyaara naadiga Barcelona ee Miralem Pjanic ayaa xiiso badan ka helaya qaar ka mid ah kooxaha ugu waaweyn qaaradda Yurub maadaama uu ku jiro diiwaanka xiddigaha ay kooxdiisu dooneyso inay fasaxdo xagaagan.
Kooxda kubadda cagta ee Chelsea ayaa si aad ah u xiiseyneysa laacibka xulka qaranka Bosnia and Herzegovina kaasoo gadood ka ah kursiga keydka ee naadiga Barca maadaama fasalkii dhammaaday uusan fursad fiican ka helin shaxda Macallin Ronald Koeman.
Kaliya ma ahan Chelsea kooxaha xiiseynaya xiddigan, balse Juventus iyo Paris Saint-Germain ayaa sidoo kale u gacan haatinaya Pjanic iyadoo Bianconeri ay dooneyso inay laacibkan soo ceshato hal xilli ciyaareed kaddib maadaama uu soo laabtay macallinkiisii hore ee Massimiliano Allegri.
Dhinaca kale, Barcelona ayaa dooneysa inay iska iibiso laacibkan maadaama uusan ku jirin qorshe ciyaareedkeeda sidoo kalena uu naadiga ka qaato mushaharaad faro badan, sidaas darteed waxa uu kursiga shirka ka saaran yahay baska xiddigaha ka huleelaya Camp Nou xagaagan.
Gool FM.