(Paris) 10 Mar 2016 Kooxda PSG ee dalka Faransiiska ayaa la soo sheegayaa inay laaciub muhiim ah ka doonayso kooxda reer talyaani ee Roma.
La Gazzetta dello Sport ayaa daaha ka qaaday in kooxda PSG ay diyaar u tahay inay hordhigto dhigeeda Roma dalab ay ku doonayso laacibka qadka dhexe ee Miralem Pjanic.
Miralem Pjanic ayaa lagu qiimeeyaa 50 milyan oo euro laakiin PSG ayaa diyaar u ah inay siiso Roma laba laacib oo lagu daray 15 milyan oo euro si ay u hesho 25 jirka reer Bosnia.
PSG ayaa diyaar u ah in Roma ay siiso daafaca bidix ee haatan amaahda ugu ciyaara ee Lucas Digne iyo laacibka qadka dhexe ee Adrien Rabiot si uu u buuxiyo booska uu banayn doono Pjanic.
Qorshahaan ayaa ah mid u wanaagsan kooxda Roma maadama laba laacib iyo 15 milyan ay ku helayaan iibka Pjanic kaas oo doonaya inuu ka tago kooxda dhamaadka xiliciyaareed kan.
Gool FM