(Paris) 10 Agoosto 2021. Wararkii ugu dambeeyay ee suuqa kala iibsiga ayaa sheegaya in Lionel Messi uu heshiis labo sano ah la gaaray kooxda Paris Saint-Germain, waxaana sidaas oo kale warkaas xaqiijiyay joornaaliistaha lagu kalsoonyahay ee Fabrizio Romano.
Leo oo la filayo in saacadaha soo aaddan uu si rasmi ah kaga mid noqdo naadiga PSG ayaa Parc des Princes ugu biiri doono qandaraas labo sano ah oo lagu dari karo mid dheeraad ah, waxaana Romano uu sheegay in Kabtanka xulka qaranka Argentina uu qaadan doono mushahar dhan 35 milyan oo euro xilli ciyaareedkii oo ay gunnooyinka ku jiraan.
Haddii heshiiska labada sano ah lagu daro sanadka doorashada ah ee lagu kordhin karo waxa uu qandaraaskiisa dhici doonaa 2024.
Gool FM.