(Paris) 11 Agoosto 2021. Kaddib markii uu shalay Lionel Messi si rasmi ah ugu biiray kooxda kubadda cagta Paris Saint-Germain ee dalka Faransiiska, xaaskiisa Antonela Roccuzzo ayaa muujisay inay gebi ahaan xiriirka u jartay mid ka mid ah koontooyinka ay naadiga Barcelona ku leedahay baraha bulshada.
Antonela ayaa “Unfollow” u taabatay cinwaanka naadiga Barca ay ku leedahay barta Instagram, taasoo la micno ah inaysan kasii mid ahayn taageerayaasha kooxda reer Spain ay bartaas ku leedahay.
Kaliya xaaska Messi ma ahan dadka uga haray akoonnada ay Blaugrana ku leedahay baraha bulshada kaddib markii uu ka tagay kabtanka xulka Argentina, hase ahaatee, Barcelona ayaa lumisay taageerayaal gaaraya malaayiin kaddib markii uu halyeygeedii ku biiray naadiga PSG ee dalka Faransiiska.
Gool FM.