(Paris) 12 Agoosto 2021. Xiddiga dhowaan kusoo biiray Paris Saint-Germain ee Lionel Messi ayaa maanta soo xaadiray tababarkii ugu horreeyay ee kooxda kaasoo ay isugu diyaarineyso kulanka labaad ee horyaalka Ligue 1.
Messi ayaa cajab geliyay kooxdiisa PSG kaddib markii uu maanta tababarka imaaday labo saacadood kahor xilliguu lagu jadwaleeyay inuu bilawdo.
Tababarkii PSG ee maanta ayaa ku jadwaleysnaa inuu bilawdo 11:00 barqannimo xilliga Paris (12:00 xilliga muqdisho), balse Kabtanka Argentina ayaa xarunta tababarka soo gaaray 9:15 xilliga Paris si uu ula fal-galo shaqaalaha tababarka kooxda, macallinka iyo fududeeyayaasha tababarka ee naadigiisa cusub.
Weli lama shaacin inuu 34-sano jirkan si buuxda kaga qayb qaatay tababarkii maanta oo Khamiis ah.
Gool FM.