(Paris) 13 Agoosto 2021. Lionel Messi ayaa Barcelona isaga tagay xagaagan kaddib markii uu dhammaaday qandaraaskiisa, wuxuuna heshiis xor oo laba sano ah ugu biiray kooxda Paris Saint-Germain.
Ciyaaryahanka khadka dhexe kooxda Monaco ee Cesc Fàbregas ayaa sheegay in imaatinka xiddiga reer Argentina Lionel Messi ee Paris Saint-Germain aysan qasab ahayn inay kooxda xaqiijiso hanashada horyaalka Faransiiska.
Wargeyska “The Guardian” ee dalka England ayaa wuxuu daabacay wareysi uu bixiyay laacibka reer Spain ee Cesc Fàbregas, waxaana hadaladiisa ka mid ahaa:
“Marka Paris Saint-Germain aysan ku guuleysan horyaalka, qof walba wuxuu u arkaa inay tahay musiibo sababtoo ah waxay qarashgareeyaan lacago badan.”
“Qof walba wuxuu u malaynayaa in horyaalkan uu yahay hal koox oo kaliya, laakiin shantii sano ee la soo dhaafay, Paris waxay ku guuleysatay saddex jeer, halka Lille iyo Monco ay ku guuleysteen min hal jeer.”
“Waa horyaal tartan ah, oo aan u fududayn sida dadka qaar ay u maleeyaan, aad u dagaal badan, aadna ugu dheereeya, isla markaana ay joogaan ciyaartoyda xoogan oo si fiican u difaac tama, sidaas darteed heshiiska Paris ee Messi micnaheedu maahan inay ku guuleysan karaan horyaalka Faransiiska.”
Gool FM.