(Paris) 14 Agoosto 2021. Angel Di Maria ayaa ka hadlay imaatinka Lionel Messi ee kooxda Paris Saint-Germain, kaddib markii uu xulkiisa Argantina kula soo guuleystay Copa America.
Di Maria ayaa u sheegay kanaalka Argentina ee TYC SPORTS, kaddib wareysi xiiso leh uu bixiyay:
“Aniga ahaan aad bay iigu fududahay inaan la ciyaaro Messi, wuxuu kubbada dhigaa meesha saxda ah, aniga ahaan waxaan la leeyahay xiriir wanaagsan gudaha iyo banaanka garoonka.”
“Waxaan u malaynayaa inuu ka yimid adduun kale, waxaan la ciyaaray dhammaan xiddigaha waaweyn Cristiano, Ibrahimovic iyo Benzema, waligayna ma arag mid lamid ah isaga.”
Di Maria oo sii wata wareysigiisa xiisaha leh ayaa wuxuu ka sii hadlay Cristiano Ronaldo oo ay ka soo wada ciyaareen kooxda Real Madri, wuxuun yiri:
“Cristiano wuxuu dooni karaa inuu isdilo, sababatoo ah halkaan ma joogo, tayada iyo tirada ciyaartoy xooggan oo ay Paris hadda haysato waa mid gaar ah, inta badana ma dhacdo.”
Gool FM.