(Metz) 16 Agoosto 2021. Kooxaha Chelsea, Manchester United iyo Manchester City ayaa dhammaantood xiiseynaya da’yarka naadiga Metz ee Pape Matar Sarr.
Xiddig oo xilli ciyaareedkii hore usoo dallacay kooxda waaweyn ayaa qaab ciyaareed cajiib ah kusoo bandhigay horyaalka Ligue 1, waxaana uu durba soo jiitay qaar ka mid ah kooxaha ugu tunka weyn Ingiriiska.
18-sano jirkan ayaa loo arkaa inuu ka mid yahay da’yarrada ugu hibada wanaagsan ee ka ciyaara Faransiiska, waxaana xiddiga khadka dhexe ka ciyaara uu naadigiisa Metz u saxiixay qandaraas shan sano ah bishii September ee sanadkii hore.
Si kastaba ha ahaatee, wiilka reer Senegal ayaa haatan xiiso iyo gacan haatis ka helaya kooxaha Chelsea, Man City iyo Man United kuwaasoo dhammaantood doonaya inay ka faa’ideystaan hibada Sarr.
Gool FM.