(Paris) 17 Agoosto 2021. Kooxaha kubadda cagta Real Madrid iyo Paris Saint-Germain ayaa wada xaajood ku aaddan kala iibsashada Kylian Mbappe yeelanaya toddobaadkan si laacibka Faransiiska ah uu ugu wareego Madrid.
Weeraryahanka 22-sano jirka ah ayaa ku jira 10-kii bilood ee ugu dambeeyay qandaraaskiisa Paris, waxaana uu iska diiday inuu heshiiska u kordhiyo kooxdiisa si uu baaqi ugu sii ahaado.
Majaladda Diaro As ayaa barnaamijka El Chiringuito kasoo xiganeysa inay PSG ka quusatay inay Mbappe kusii heyso Parc des Princess, sidaas darteedna waxay ogolaatay inay ka iibiso Los Blancos haddii ay ku heshiiyaan qiimaha uu iibka ku kacayo.
Wararka waxay sidoo kale sheegayaan inay kooxda reer France isu diyaarineyso lasoo saxiixashada Cristiano Ronaldo oo Juventus kula jira qandaraas dhacaya dhammaadka xilli ciyaareedkan haddii ay lumispo Mbappe.
Si kastaba ha ahaatee, suuqa kala iibsiga xagaaga ayaa waxaa ka harsan maalmo kooban, waxaana ay PSG isku dayeysaa inay isku daba riddo sidii ay Mbappe u heysan lahaud ama uga tashan lahayd.
Gool FM.