(Munich) 18 Agoosto 2021. Madxafka naadiga Bayern Munich oo ay yaallaan maaliyadaha kooxda, koobabkii ay qaadday biladaha xiddigaheeda ay ku guuleysteen iyo waxyaabo kale oo dhowr ah ayaa waxaa ku jira kaliya hal maaliyad oo aanan ahayn teeda, waana maaliyadda Barcelona oo uu dhabarka kaga qoran yahay magaca Lionel ‘Messi’.
Maaliyadda Messi ayaa soo gashay madxafka naadiga Bayern kaddib markii uu kabtanka Argentina u hibeeyay maaliyaddan halyeyga toddobaadkan geeriyooday ee Gerd Muller.
34-sano jirkan ayaa maaliyaddiisa u hibeey Muller sanadkii 2012 kaddib markii uu dhaafay rikoorkii goolasha ee sanadlaha markaas oo uu Messi garaacay rikoorkii halyeyga Jarmalka ee ahaa inuu hal sano dhaliyay 85 gool, waxaana sanadkaas uu kabtankii hore ee Barcelona dhaliyay 91 gool.
“Ku socoto Gerd Muller. Xushmaddeyda iyo jaceylkeyga” ayaa ku qoran maaliyadda Messi ee taalla madxafka naadiga Bayern Munich.
Gool FM.