(Madrid) 04 Sebt 2021. Ciyaaryahan Eduardo Camavinga ayaa la soo warinayaa inuu iska diiday koox weyn oo ka dhisan qaaradda Yurub ka hor inta uusan ku biirin Real Madrid.
Jariiradda AS ee ka soo baxda Spain ayaa warinaya in saxiixa cusub ee Kooxda Real Madrid, Eduardo Camavinga uu hoos u dhigay, iskana diiday fursad uu ugu biiri karay Kooxda reer France ee Paris Saint-Germain F.C.
Camavinga ayaa dhowaan ku biiray Kooxda Real Madrid, kaddib markii uu Naadiga Rennes kaga soo dhaqaaqay 40 milyan oo euro oo u dhiganta 34 milyan oo gini ama 47 milyan oo dollar.
Da’yarkaan ayaa si xoog leh loola xiriirinayey PSG, laakiin riyadiisa ayaa had iyo jeer ahayd inuu u dhaqaaqo oo uu u ciyaaro Kooxda Los Blancos lagu naynaaso ee ka dhisan caasimadda Spain.
Gool FM.