(Manchester) 05 Sebt 2021. Kooxda kubadda cagta Real Madrid ayaa la soo warinayaa inay sanado ugaasi ugu jirtay saxiixa Eduardo Camavinga, kaasoo ugu dambeyn ay suuqii xagaagan gacanta ku dhigeen.
Jariiradda Marca ee ka soo baxda Spain ayaa warinaya in Kooxda Real Madrid ay diiradda ku haysatay Eduardo Camavinga muddo saddex sanadood ah ka hor inta aysan la saxiixan todobaadkii hore.
Camavinga ayaa markii hore ay Real Madrid la dhacday qaab ciyaareedkiisa oo ay ugaasi ku bilowday kaddib markii uu u iftiimay kooxda Rennes oo ka qeyb-galaysay tartan dhalinyaro oo dhacay sanadkii 2018-kii.
18-sano jirkaan ayaa todobaadkii hore, gaar ahaan maalintii ugu dambeysay suuqa kala iibsiga xiddigaha ee 31-kii Agoosto waxa uu si rasmi ah ugu biiray Kooxda Real Madrid, isagoo adduun dhan 40 milyan euro oo u dhiganta 34 milyan oo gini ama 47 milyan oo dollar uga soo dhaqaaqay Naadiga Rennes.
Gool FM.