(Paris), 31 Jan 2017 –Kooxda Kubadda Cagta Paris Saint-Germain ee waddanka Faransiiska ayaa shaaca ka qaadday in Weeraryahankeedii Jese Rodriguez ay amaah ku siisay kooxda Las Palmas ee ka ciyaarta Horyaaka La Liga ee Spain.
Jese oo 23 jir ah ayay PSG 6 bilood ka hor uun 25 Milyan oo Euro kaga soo qaadatay kooxda Real Madrid.
Ciyaaryahan Jese ayaa kooxda Las Palmas ee ka dhisan magaallada uu ku dhashay ee Gran Canaria waxa uu amaah ahaan kula joogi doonaa illaa 30′ June 2017.
Tababaraha kooxda PSG, Unai Emery ayaa horraantii bishaan sheegay in ay amaah isaga diri doonaan Jese maadaama uusan u heynin boos joogto ah oo uu ka dheelsiiyo, waxaana Jese 9 kulan oo Horyaalka Faransiiska uu u ciyaaray PSG keliya lagu soo bilaabay 1 ciyaar.
Gool FM