(Barcelona) 01 Nof 2021. Weeraryahanka Kooxda kubadda cagta Paris Saint-Germain ee Lionel Messi ayaa shaaca ka qaaday inuu u furan yahay fikradda uu dib ugu laabanayo Barcelona, isagoo ah xoghaye farsamo kaddib marka uu ciyaaraha ka fariisto.
Xiddiga xulka qaranka Argentine ayaa muujiyay rabitaankiisa ah inuu ka mid noqdo maamulka sare ee kooxda Barca mustaqbalka, waxaana uu ku celiyay jacaylka uu u qabo Blaugrana dhawr bilood uun kaddib markii uu ka tagay Naadiga Catalans.
“Haa, had iyo jeer waan sheegaa in aan jeclaan lahaa in aan si uun ugu laabto kooxda oo aan caawiyo.” ayuu Messi u sheegay Wargeyska Sport
“Waxa aan doonayaa in aan u noqdo mid faa’iido badan u leh, oo ka caawiya kooxda inay wax fiican qabato, waxaan jeclaan lahaa inaan noqdo xoghayaha farsamada, balse ma garanayo haddii ay noqon doonto Barcelona.
“Waan jeclaan lahaa inaan ku soo laabto kooxda oo aan ku darsado wixii karaankayga ah sababtoo ah waan jecelahay Barcelona, waxaanan jeclaan lahaa inay sii wadaan shaqada wanaagsan, kobaca iyo inay ahaato kooxda ugu wanaagsan Adduunyada.”
Gool FM.