(Barcelona) 01 Nof 2021. Kooxda kubadda cagta Barcelona ayaa la soo warinayaa in ciyaaryahan daafaca ka ciyaara oo aad loo doon-doonayo ay saxiixiisa ku garaacdo Manchester United, Chelsea iyo Real Madrid.
Naadiga reer Spain ee Barcelona ayaa dardar ku soo gashay kuna soo biirtay tartanka loogu jiro saxiixa daafaca Sevilla ee Jules Kounde, waxaana ay doonaysaa inay tartankan ku garaacdo saddexda kooxood ee Man Utd, Blues iyo Los Blancos.
Wargeyska El Nacional ayaa warinaya in Barcelona ay diyaar u tahay inay saxiixa Jules Kounde ku garaacdo Kooxaha reer England ee Manchester United iyo Chelsea, si la mid ah kooxda ay ku xafiiltamaan Spain ee Real Madrid.
Daafaca Sevilla ayaa ah mid aad loo doon-doonayo, Xavi ayaana la sheegay inuu xiddiga heerka caalami ee Waddanka Faransiiska ka doonayo garoonka Camp Nou haddii uu ogolaado inuu beddel u noqdo Ronald Koeman oo laga cayriyey shabaqada tababarennimo ee kooxda reer Catalunya.
Gool FM.