(Paris) 01 Nof 2021. Kooxda kubadda cagta Paris Saint-Germain ayaa la soo warinayaa inay burburin karto heshiiska ay kula jirto Sergio Ramos kaddib afar bilood oo aan lagu arkin tababarka Naadiga.
Daafacan dhexe ayaan weli kulankiisii ugu horreeyey u safan kooxda ka dheesha horyaalka Ligue 1 ee PSG.
Warbaahinta Faransiiska gaar ahaa Warsidaha Le Parisien ayaa warinaya in Paris Saint-Germain ay burburin karto heshiiska ay kula jirto Kabtankii hore ee kooxda Real Madrid, Sergio Ramos.
PSG ayaa ka fikireysa haatan in gabi ahaanba ay burbuiso heshiiska labada sanadood ah oo ay kula jirto Ramos, isla markaana ay iska fasaxdo kaddib markii ay afar bilood ka hor qaab bilaash ah kula soo wareegtay, isla markaana uusan illaa iyo haatan u safan kooxda Faransiiska.
Markii ugu dambeysay ee Ramos uu ciyaaro waxay ahayd kulankii kooxda Real Madrid ay la ciyaartay Manchester City 05 bishii May ee fasal ciyaareedkii hore, markaasoo ay Los Blancos la kulantay guuldarro 2-0 kulankaasoo ahaa afar dhammaadka.
Wargeyska Le Parisien ayaa warbixintiisa intaa ku daray in PSG aysan rumeynayn in dhibaato tahay in la kansalo heshiiska xiddigaha, kuwaasoo aan waxba u taraynin kalsooni badanna aysan ku qabin.
Ramos ayaa heshiiska uu kula jiro kooxda PSG waxa uu ku eg yahay illaa sanadka 2023-ka, waxaana kaliya lagu burburin karaa inay wada hadalaan labada dhinac oo ay ka wada-xaajoodaan lacagaha magdhowga ah ee la siinayo.
Gool FM.