(Madrid) 31 Okt 2021. Weeraryahanka Real Madrid ee Vinicius Jr ayaa muujiyay sida weyn uu u doonayo in inuu ka garab ciyaaro weeraryahanka Paris Saint-Germain Kylian Mbappe.
Vinicius Jr ayaa sheegay in dhammaan ciyaartoyda ay soo dhaweynayaan fikradda ah inay ka garab ciyaaraan Kylian Mbappe, isagoo xusay inuu ka mid yahay xiddigaha ugu wanaagsan xilligan kubadda cagta.
Xiddiga reer Brazil oo mar wax laga weydiiyay suurtogalnimada uu Mbappe ugu biiri karo kooxda Real Madrid ayaa wuxuu yiri:
“Dhammaan ciyaartoydu waxay rabaan inay la ciyaaraan Mbappe, waa ciyaaryahan u wanaagsan sida Cristiano iyo Messi.”
“Kylian Mbappe wuxuu hogaaminaya jiilka cusub sii jiri doona sanadaha soo socda.”
Si kastaba ha ahaatee, Kylian Mbappé ayaa loo arkaa mid ka mid ah bartilmaameedyada ugu muhiimsan kooxda Real Madrid ee suuqa xagaaga soo aadan, maadaama maamulka uu qorshaynayay heshiiskan dhowr sano.
Gool FM.