(Yurub) 03 Nof 2021. Kulammo ka tirsan wareegga guruubyada tartanka Champions League ayaa caawa laga ciyaaray garoommo kala duwan oo ku yaalla dalalka qaaradda Yurub.
Kooxaha Real Madrid, Liverpool, Manchester City, Atletico Madrid, Paris Saint-Germain, Inter iyo AC Milan ayaa ugu madax fiiqnaa kooxaha caawa ka ciyaaray kulammada afaraad wareegga guruubyada tartanka Champions League.
Kooxda Liverpool ayaa guul ay u qalantay kaga gaartay garoonkeeda Anfield naadiga Atletico Madrid, kaddib markii ay kaga adkaatay 2-0, iyada oo ay goolasha u kala dhaliyeen xiddigaha kala ah Jota, iyo Mane.
Dhinaca kale kooxaha Paris Saint-Germain iyo RB Leipzig ayaa ku kala baxay barbardhac 2-2, goolasha naadiga PSG waxaa u dhaliyay Georginio Wijnaldum.
Si la mid ah kooxda reer England ee Manchester City ayaa guul 4-1 ka gaartay naadiga Club Brugge oo marti u ahayd, waxaana goolasha u kala dhaliyay Foden, Mahrez, Jesus iyo Sterling, halka Inter Milan ay 1-3 kaga soo adkaatay kooxda FC Sheriff oo ay booqatay.
Haddaba halkan hoose ka eeg dhammaan kulammada caawa laga ciyaari doono Champions League iyo saacadaha ay bilaaban doonaan:
Group A –
Manchester City 3-1 Club Brugge
RB Leipzig 1-2 Paris Saint-Germain
Group B –
AC Milan 1-1 FC Porto
Liverpool 2-0 Atletico Madrid
Group C –
Borussia Dortmund 1-3 Ajax
Sporting CP 4-0 Besiktas
Group D –
Real Madrid 2-1 Shakhtar Donetsk
FC Sheriff 1-3 Inter Milan.
SAWIRRO:
Gool FM.