(Barcelona) 15 Nof 2021. Kooxda kubadda cagta Barcelona ayaa tan iyo markii ay ku dhawaaqday macallinkeeda cusub ee Xavi, waxa ay doonaysaa inay dib u dhis xooggan ku sameyso safkeeda.
Barca ayaa la soo warinayaa inay qorsheynayso inay dib ula soo saxiixato da’yarkeedii hore ee Xavi Simons, kaasoo hadda ka tirsan PSG.
Idaacadda Cadena Ser ayaa warinaysa in kooxda reer Spain ay ku dhowdahay inay dib u la soo wareegto Simons, iyadoo wakiilka laacibkan ee Mino Raiola uu sare u qaaday fursadda lagu heli karo 18-sano jirkaan kaddib markii uu kulan la qaatay Madaxweynaha Barca ee Joan Laporta.
Simons ayaa ka tagay Barcelona labo sano ka hor, isla markaana ku biiray kooxda PSG, hase ahaatee qandaraaska uu ku joogo caasimadda Faransiiska ayaa ku eg xilli ciyaareedkan, waxaana uu qarka u saaran yahay inuu ka dhaqaaqo kooxda reer France.
Gool FM.