(Manchester) 23 Nof 2021. Tababarihii hore ee Kooxda Real Madrid ayaa la soo warinayaa inuu iska diiday qabashada shaqada Macallinnimo ee Manchester United, waxaana uu doortay naadi kale oo aan ahayn xulka qaranka Faransiiska.
Warsidaha Le Parisien ayaa warinaya in Tababare Zinedine Zidane uu doonayo inuu shaqada Kooxda Paris Saint-Germain ka beddelo Macallin Mauricio Pochettino.
Pochettino laftiisa ayaa la soo warinayaa inuu xiiseynayo qabashada shaqada tababarennimo ee ka bannaan Kooxda Manchester United, taasoo uu Zidane mar horeba iska diiday.
Taa bedelkeeda, Tababarihii hore ee Kooxda Real Madrid ayaa loollan ugu jira sidii uu macallin ugu noqon lahaa PSG, waxaana uu xiriir dhow la leeyahay milkiilayaasha kooxda ee Qatar.
Gool FM.