(Paris) 14 Maarso 2016. Weeraryahanka Sweden waxaa ka dhacaya qandaraaska xagaaga soo aadan waxa uuna awood u yeelan doono sameynta dalabyo waa weyn
ZLATAN IBRAHIMOVIC wuu ka tagi doona PSG xagaaga – waa hadii aysan Taaladda Eiffel (Eiffel Tower) aysan ku badalin mid uu isaga laga sameeyey.
Dhaliyaha reer Sweden waxa uu mar kale dhaliyey afar gool kulankii ay 9 xabo ku hafiyeen Troyes isaga oo u xaqiijiyey Ligue 1 dhiniciisa axaddii.
Kulanka kaddib gudoomiyaha PSG Nasser Al Khelaifi waxa uu yiri: “Waxaan dooneynaa in Ibra uu joogo. Isaga ayaan kala xaajoon doona.”
Bartilmaameedka Manchester United iyo Arsenal waxa uu hada dhexdda ka galay go’aano uga baahan in uu kala doorto dhowrka toddobaad ee soo aadan.
Waxa uu yiri” “Waqtigan ma joogi doono PSG ololaha dambe. Wali bil ayaa ii dhiman iyo qeyb joogideydda halkan.
“Hadii ay ku badalaan Eiffel Tower mid aniga iga sameysan markaa waan joogi doona PSG, waa balan.”
Gool FM.