(Paris) 30 Nof 2021. Waxaa xalay magaalada Paris ee caasimadda Faransiiska lagu qabtay xafladda Ballon d’Or iyadoo Lionel Messi abaal-marinta xiddiga sanadka uu ku guuleystay markiisii toddobaad xirfaddiisa isagoo markan ku garaacay laacibka Bayern Munich ee Robert Lewandowski.
Si kastaba ha ahaatee, intii uu makaroofanka kor joogay Messi, waxa uu qiray in Lewandowski uu mudnaa in la siiyo abaal-marintan maadaama uu sanadkii 2020 u qalmay, balse xafladda oo idil iyo abaal-marinnadeeda loo baajiyay xanibaadihii Korona Fayras awgeed.
“Waxaan rabaa Robert Lewandowski u sheego inay sharaf ii tahay inaan isaga kula tartammo abaal-marinta” ayuu xiddiga Paris Saint-Germain ku bilaabay qaybta uu kaga hadlayay wax-qabadka kabtanka xulka Poland.
“Waad u qalantaa Ballon d’Or, sanadkii lasoo dhaafay dadka oo idil ayaa isku raacsanaa inaad ahayd guuleyste, waxay ila tahay inay France Football ahayd inay adiga ku siiso Ballon d’Or oo aad heysatid abaal-marinta adigoo u qalma.
“Waxaan rajeynayaa inay France Football ku siiso abaal-marintaas si aad gurigaaga ugu heysatid, sababtoo ah adiga ayaa ahaa guuleyste, waana inaad guriga ku heysatid.
Gool FM.