(Madrid) 04 Dis 2021. Warar cusub ayaa ka soo baxaya halka uu marayo heshiiskii ay kooxda kubadda cagta Real Madrid ku doonaysay inay kula wareegto Weeraryahan Kylian Mbappe.
Los Blancos ayaa la soo sheegayaa inay ku dhowdahay inay la wareegto Kylian Mbappe, iyadoo 22-sano jirkaan uu qarka u saaran yahay inuu Magaalada Paris uga wareego Caasimadda Spain.
Jariiradda AS ee ka soo baxda dalka Spain ayaa warinaysa in Real Madrid ay qarka u saaran tahay inay beeca xorta ah kula wareegto Kylian Mbappe suuqa xagaaga.
22-sano jirkaan ayaa warbixinta lagu sheegay inuu go’aansaday inuusan cusbooneysiinin qandaraaskiisa Kooxda PSG, kaasoo ku eg dhammaadka xilli ciyaareedkan.
Real Madrid ayaa durba bilowday inay qorsheysato heerkeeda ganacsi ee ku aaddan sidii uu ku imaan lahaa Kylian Mbappe.
Gool FM.