(Yurub) 13 Dis 2021. Waxaa dhowaan soo idlaaday heerka guruubyada UEFA Champions Leaue, waxaana lagu wadaa in maanta la sameeyo isku aadka wareegga 16-ka tartanka koobka horyaalladda Yurub.
Wareegga 16-ka tartanka Champions League xilli ciyaareedka 2021/22 ayaa lagu qaban doona magaalada Nyon ee dalka Switzerland maanta oo ay taariikhdu tahay 13-ka bisha December.
Haddaba waxaa Duhurnimada Maanta oo Isniin ah la sameyn doonaa isku aadka wareegga 16-ka UEFA Champions League.
Halkan ka aqriso xog kasta oo aad ugu baahan tahay isku aadka maanta:-
Waa kuwee 16-ka koox ee soo baxay?
Ajax, Bayern Munich, Juventus, Liverpool, LOSC Lille, Manchester City, Manchester United, Real Madrid, Atlético Madrid, Benfica, Chelsea, Inter Milan, Paris Saint-Germain, Salzburg, Sporting CP iyo Villarreal.
Kooxaha kaalinta koowaad kaga soo baxay Guruubkooda:-
Ajax (NED)
Bayern (GER)
Juventus (ITA)
Liverpool (ENG)
LOSC Lille (FRA)
Manchester City (ENG)
Manchester United (ENG)
Real Madrid (ESP)
Kooxaha kaalinta labaad kaga soo baxay Guruubkooda:-
Atlético (ESP)
Benfica (POR)
Chelsea (ENG)
Inter (ITA)
Paris Saint-Germain (FRA)
Salzburg (AUT)
Sporting CP (POR)
Villarreal (ESP)
Goorma ayaa la sameynayaa isku aadka 16-ka Champions League, halke ayaase lagu sameynayaa?
Isku aadka wareegga 16-ka UEFA Champions League ayaa la sameyn doonaa maanta oo Isniin ah, marka ay saacadda Geeska Afrika tilmaameyso 2:00 Duhurnimo, isku aadka ayaana lagu sameyn doonaa Magaalada Nyon ee dalka Switzerland.
Sidee isugu aadi karaan kooxaha?
Ma jirto koox ka hor imaan karta koox kale oo ay isku qaran yihiin ama ay isku dal yihiin, sidoo kale Kooxuhu ma wajihi karaan koox kale oo ay ku soo kulmeen heerka guruubyada ama ay isku guruub ka soo baxeen.
Goorma ayaa la ciyaarayaa kulammada Wareegga 16-ka UEFA Champions League?
Kulammada lugta hore ee wareegga 16-ka ayaa la ciyaari doonaa 15-ka &16-ka Febraayo iyo 22-ka & 23-ka isla bisha Febraayo ee 2022, halka kulammada lugta labaadna la ciyaari doono 8-da & 9-ka Maarso iyo 15-ka & 16-ka bisha Maarso 2022.
Gool FM.