(Yurub) 13 Dis 2021. Waxaa goordhow la sameeyey isku aadka wareegga 16-ka ee tartanka UEFA Champions League, iyadoo ay ka soo baxeen kulamo waa weyn.
Kooxda Faransiiska ee Paris Saint-Germain ayaa soo dhoweynaysa naadiga ugu guulaha badan tartankan ee Real Madrid lugta hore ee wareegga 16-ka Champions League.
Kooxda Liverpool ayaa dhankeeda lugta hore ee wareegga 16-ka tartankan booqan doontaa naadiga reer Talyaani ee Inter Milan.
Atletico Madrid ayaa soo dhoweynaysa kooxda reer England ee Manchester United, iyada oo tababare Diego Simeone iyo wiilashiisa ay markale tartanka UEFA Champions League isku wajihi doonaan Cristiano Ronaldo.
Manchester City ayaa iyana lagu beegay naadiga Sporting CP ee dalka Portugal, halka Chelsea oo difaacaneysa tartankan ay markale ku aaday kooxda LOSC Lille.
Isku aadka wareegga 16-ka xilli ciyaareedka 2021/22 oo dhammaystiran halkaan hoose ka eeg:-
Salzburg vs Bayern Munich.
Sporting CP vs Manchester City.
Chelsea vs LOSC Lille.
Benfica vs Ajax.
Atlético Madrid vs Manchester United.
Villarreal vs Juvetus.
Inter vs Liverpool.
Paris Saint-Germain vs Real Madrid.
Goormee la ciyaari doonaa wareegga 16-ka Champions League?:-
Kulammada lugta hore ee wareegga 16-ka ayaa la ciyaari doonaa 15-ka &16-ka Febraayo iyo 22-ka & 23-ka isla bisha Febraayo ee 2022, halka kulammada lugta labaadna la ciyaari doono 8-da & 9-ka Maarso iyo 15-ka & 16-ka bisha Maarso 2022.
Gool FM.