(Paris) 06 Maarso 2017 Laacibka qadka dhexe ee kooxda PSG Marco Verratti ayaa soo bandhigay riyadiisa oo ah inuu koobka horyaalada yurub kula guulaysto kooxdiisa.
Xiddigaan ayaa lala xiriiriyay kooxaha ka dhisan Spain iyo talyaaniga laakiin wuxuu sheegay inuu doonayo inuu iska sii joogo PSG.
Wuxuuna intaa ku daray in riyadiisu ay tahay inuu Champions League la qaado kooxdiisa PSG, xili arbacada ay u safrayaan kooxda Barcelona oo lugtii hore ay uga soo adkaadeen 4-0.
“Waxaan doonayaa inaan la sii joogo PSG, waxaan ahay qayb ka mid ah mashruuca kooxdaan, yurub lagama helayo koox lamid ah kooxdaan” ayuu yiri Marco Verratti.
“Riyadaydu waa inaan Champions League kula guulaysto kooxdeyda PSG” ayuu sii raaciyay laacibka reer talyaani ee Marco Verratti.
Gool FM