(Barcelona) 19 Dis 2021. Da’yarka naadiga Barcelona ee Gavi ayaa durba soo jiitay indhaha kooxaha ugu waaweyn qaaradda Yurub isagoo haatan looga gacan haatinayo horyaalka Premier League iyo kooxda kubadda cagta Paris Saint-Germain kuwaasoo xiiseynaya helitaanka adeegga xiddiga khadka dhexe ka ciyaara.
PSG ayaa kooxaha Chelsea iyo Liverpool kula dagaallameysa saxiixa 17-sano jirkan kaasoo ka mid ah xiddigaha aysan Barca iska iibineyn, hase ahaatee, Blaugrana waxaa walwal ballaaran uu ka heystaa lacagta heshiiskiisa lagu jebin karo oo ah 50 milyan oo euro.
Wargeyska El Nacional ayaa sheegay kooxaha Ingiriiska ka dhisan inay si aad ah u doonayaan Gavi, hase ahaatee, PSG ay diyaar u tahay inay xitaa miiska saarto lacagta qandaraaska laacibka reer Spain lagu jebin karo.
Si kastaba ha ahaatee, da’yarkan oo heysta heshiis dhacaya 2023 ayaa Barcelona u dhaliyay goolkiisii ugu horreeyay ciyaartii ay xalay 3-2 kaga adkaadeen naadiga Elche isagoo noqday xiddigii saddexaad ee ugu da’da yaraa ee Barca gool u dhaliya.
Gool FM.