(Bilabo) 09 Maarso 2017 Kooxda Athletic Bilbao ayaa ku camiratay dhigeeda PSG kadib guul daradii 6-1 ee xalay ka soo gaartay koobka horyaalada yurub.
Bilbao ayaa dib u milicsatay Final-ka Super Cup-ka Spain ee sanadkii 2015, markaas oo lugtii hore ay uga soo adkaadeen Barcelona 4-0.
Lugtii labaad oo lagu ciyaaray garoonka Camp Nou ayaana ku soo idlaatay 1-1, taas oo ka dhigtay Athletic Bilbao inay ku guulaysatay koobka.
Waxaana xalay lagu soo qoray Barta Twitter-ka ee kooxda Athletic Bilbao: “Uma malaynayn inay sidaan u adagtahay in la ilaashado guul 4-0 ah”.
PSG ayaa xalay lagu dhigay guul daro taariikhda gashay kadib markii laga soo guday guul 4-0 ah oo ay ugu badaleen guul daro 6-1.
Gool FM