(Paris) 11 Maarso 2017 Kooxda reer France ee PSG ayaa go’aamisay mustaqbalka tababarehooda Unai Emery kadib guul daradii ka soo gaartay Barcelona.
Madaxwaynaha kooxda PSG ee Nasser Al-Khelaifi ayaa kalsooni buuxda u muujiyay tababare Unai Emery xili kooxdu ay si xun uga soo hartay Champions League arbacadii.
Nasser Al-Khelaifi ayaa sheegay in Unai Emery uu leeyahay tilmaamo ay aaminsanyihiin inuu ku hormarin karo kooxda, wuxuuna intaa ku daray inuu kalsooni buuxda ka haysto maamulka kooxda.
“Unai Emery? Si dhab ah ayuu u shaqaynayaa maalin walba si uu u hormariyo kooxda, haatan waa inaan ka gudubnaa cashiradii keenay fashilka” ayuu yiri Nasser Al-Khelaifi.
“Unai Emery wuxuu leeyahay tilmaamo aan rumaysan karno, wuxuu haystaa kalsooni buuxda” ayuu sii raaciyay.
Gool FM