(Paris) 15 Feb 2022. Mbappe ayaa waqtigii dhimashada guul farta ka saaray kooxdiisa PSG kaddib markii ay kaga adkaadeen Real Madrid 1-0, kulanka lugta hore ee wareega 16-ka ee tartanka UEFA Champions League
Qeybta hore ee ciyaarta ayeey labada kooxood Paris Saint-Germain iyo Real Madrid ku kala nasteen barbardhac 0-0 ah.
Qeybta labaad ee dheesha marka dib leysugu soo laabtay labada dhinac ayaa waxay soo bandhigeen qaab ciyaareed aad u wanaagsan, iyagoo sameeyay fursado badan ee goolal loo filan karay.
Daqiiqadii 90 + 4-aad kooxda Paris Saint-Germain ayaa hoggaanka u qabatay dheesha waxaana 1-0 ka dhigay Mbappe kaddib markii uu caawin ka helay saaxiibkiis Neymar Jr.
Ugu dambeyntii ciyaarta ayaa ku dhammaatay 1-0 ay kaga adkaatay Paris Saint-Germain kooxda Real Madrid oo marti ugu ahayd garoonka Parc des Princes, kulankii ugu xiisaha badnaa ee lugta hore wareega 16-ka tartanka UEFA Champions League.
Gool FM.