(Monaco) 16 Maajo 2017 – Weeraryahanka Mario Balotelli ayaa fadhiyey garoonka Stade Louis II isagoo daawanayey kulankii kooxdiisii hore ee Manchester City ay guuldarrada kala kulantay Monaco ee Champions League.
Waxa uu u muuqday Mario mid rabay inuu ku raaxaysto sida ay kooxdiisii hore ugu soo gudbayso siddeed dhammaadka koobka horyaallada Yurub.
Laakiin wixii dhacay waxay ahaayeen waxaan la filaynin, iyadoo kooxda Manchester City ay guuldarro 3-1 kala kulantay Monaco oo ay marti u ahayd lugta labaad ee 16-ka Champions League, Sky Blues ayaana ku hartay goolashii looga soo dhaliyey gurigeeda maadaama wadar ahaan ay labada kulanba ku dhammaadeen 6-6.
Balotelli ayaa saddex sanadood la qaatay kooxda Man City ka hor inta uusan ka tagan oo u dhaqaaqin AC Milan sanadkii 2013-kii, isagoo mudadaas u dhaliyey 30 gool.
Xiddiga reer Talyaani ayaa haatan waqti wanaagsan ku qaadanaya kooxda Faransiiska ee Nice kaddib markii uu ku guuldarreystay waayihiisa Liverpool, waxaana Mario uu hadda ka caawiyey kooxdiisa Nice inay ku jirto kaalinta saddexaad ee kala sarreynta horyaalka Ligue 1, waxaana ay shan dhibcood ka dambeysaa hoggaamiyeyaasha horyaalka ee Monaco.
Mario Balotelli ayaa kooxdiisa Nice xilli ciyaareedkan u dhaliyey labo gool.
Gool FM.