(Paris) 12 Abriil 2022. Mashruucii kooxda reer France ee Paris Saint-Germain ayaa burburay iyadoo ay hoos u dhacday lahaanshaha Qatar, milkiilayaasha kooxda ayaana go’aansaday inay iibiyaan kaddib dhamaadka Koobka Adduunka ee 2022 ee Qatar bisha November soo aaddan.
Go’aanka ay Milkiilayaasha Paris ku iibinayaan kooxda ayaa timid kaddib markii kooxda ay ku guuldareysatay inay gaarto yoolkeedii ugu weynaa ee ahaa inay ku guuleysato tartanka Champions League, xitaa haddii ay beeca xorta ah kula soo wareegeen Lionel Messi, kaddib markii uu dhammaaday qandaraaskii uu kula jiray Barcelona.
Milkiilayaasha Paris ayaa go’aansaday inay iibiyaan kooxda PSG waxay sameeyeen wax kasta oo suurtogal ah si ay ugu guuleystaan tartanka ugu xiisaha badan heer kooxeed ee Champions League, iyadoo malaayiin ku bixisay heshiisyo waa weyn si ay u hesho koox awood badan ku leh koobka horyaalada Yurub.
Suxufiga Isbaanishka ah ee Edo Aguirre, ayaa shaaciyay xalay ahayd, in mulkiilayaasha Qatar ee Paris ay go’aansadeen inay iibiyaan kooxda kaddib Koobka Adduunka, isagoo sheegay in Madaxweynaha kooxda ee Nasser Al-Khelaifi uu sidoo kale ka tagi doono naadiga.
Edo Aguirre ayaa tilmaamay in go’aankani uu saamayn weyn ku yeelan doono mustaqbalka xiddiga reer France ee Kylian Mbappé, isaga oo ka warqaba in milkiilayaasha reer Qatar ay kooxda ku celin waayeen.
Sida laga soo xigtay Aguirre, Qatar ayaa aad ugu riixday inay ku qanciso Mbappe inuu qandaraas cusub u saxiixo PSG oo uu kooxda sii joogo, balse waa ay ku guuldarreysteen, taasina waxa ay waddada u xaareysaa in Mbappé uu ku biiro Kooxda Real Madrid.
Gool FM.