(Manchester) 24 Abriil 2022. Weeraryahanka Manchester United ee Cristiano Ronaldo ayaa noqday xiddigii afaraad ee 100 gool ka dhaliya labo ka mid ah shanta horyaal ee ugu waa qeyn qaaradda Yurub.
Kabtanka xulka qaranka Portugal ee Ronaldo ayaa goolkii uu ka dhaliyey Arsenal shalay waxa uu ka dhignaa inuu dhaliyey goolkiisii 100-aad ee horyaalka Premier League.
Taasi waxa ay ka yeeshay CR7 inuu noqdo ciyaaryahankii afaraad ee 100 gool ka dhaliya labo horyaal oo kala duwan oo ka mid ah shanta horyaal ee ugu waa qeyn qaaradda Yurub.
Haddaba halkaan hoose ka eeg afarta ciyaaryahan ee 100 gool ka dhaliyey labo ka mid ah shanta horyaal ee ugu waa weyn qaaradda Yurub & Xiddig waliba goolasha uu dhaliyey:-
Ibrahimovic: Horyaalka Talyaaniga ee Serie A waxa uu ka dhaliyey 155 gool, halka horyaalka Faransiiska ee Ligue 1 uu ka dhaliyey 113 gool.
Cavani: Horyaalka Talyaaniga ee Serie A waxa uu ka dhaliyey 138 gool, halka horyaalka Faransiiska ee Ligue 1 uu ka dhaliyey 112 gool.
Higuain: Horyaalka Talyaaniga ee Serie A waxa uu ka dhaliyey 125 gool, halka horyaalka Spain ee La Liga uu ka dhaliyey 107 gool.
Cristiano Ronaldo: Horyaalka horyaalka Spain ee La Liga waxa uu ka dhaliyey 311 gool, halka horyaalka Ingiriiska ee Premier League uu ka dhaliyey 100 gool.
Gool FM.