(Monaco) 26 Maarso 2017 Laacibka qadka dhexe ee kooxda Monaco Fabinho ayaa sheegay in weerar yahanka reer France ee Kylian Mbappe uu u dhaqaaqi doono Real Madrid ama Barcelona.
Fabinho ayaa aaminsan in mar uun uu Kylian Mbappe ku biiri doono kooxaha ugu wayn yurub sida Real Madrid iyo Barcelona.
Wuxuuna ku amaanay inuu yahay laacib ku fiican gudaha iyo banaanka garoonka inkasta oo da’diisu ay tahay 18 sano.
“Goor dhaw ama goor dheer, Kylian Mbappe wuxuu u dhaqaaqi doonaa Real Madrid iyo Barcelona ama kooxo kale” ayuu yiri Fabinho.
“Mbappe waa shaqsi cajiib ku ah gudaha iyo banaanka garoonka intaba, waa qof bislaaday inkasta oo da’diisu tahay 18-jir, waa laacib dhaliyay goolal badan” ayuu sii raaciyay.
Gool FM