(Doha) 13 Dis 2022. Daafaca xulka qaranka Faransiiska ee Raphaël Varane, ayaa uga digay asxaabtiisa inay ku dhacaan dabinka xulka qaranka Morocco kahor, kahor kulanka ay isku wajahayaan labada xul wareega afar dhammaadka Koobka Adduunka 2022 ee Qatar. habeen dambe ee Arbacada ah.
Raphaël Varane ayaa wareysi uu bixiyay kahor ciyaartan wuxuu ku sheegay:
“Kulan adag ayaa na sugaya oo aan la ciyaari doono Morocco, waa kulan aad u adag, mana aha inaan ku dhacno dabinka Morocco.”
“Waa inaan u diyaarinaa asxaabteena khibrada u leh xulka qaranka, ciyaar heerkan ah waa ka mamnuuc inaad khalad sameyo.”
“Morocco waa koox aad isku xiran, kulanka aan la ciyaari doono wuxuu noqon doonaa mid dagaal ah, Wax walba waa in si taxadar leh looga fekeraa si loo guuleysto.”
“Xulkan wuxuu ku soo gaaray wareega afar dhammaadka shaqadii uu soo qabtay, ee kuma imaanin nasiib, wuxuuna heystaa ciyaartoy badan oo bahalo ah.”
“Wali ma xaqiijinin inaan gaarnay kulanka finalka, mana ahan inaan si naba u dhayalsano kooxda naga soo horjeeda, Waa inaan diirada saarno wax walba, inaan heysano koox weyn wax walba kama dhigna.”
“Waxaan aragnay xulal waaweyn oo macsalaameeyay Koobka Adduunka, waa inaan diirada saarnaa waxa soo socda, fikirkeena waqtigan xaadirka ahna waa inuu ku koobnaadaa inaan wajahno Morocco oo kaliya.”
Gool FM.