(Paris) 21 Dis 2022. Weeraryahanka reer France ee Kylian Mbappe ayaa qof walba ka yaabiyay wax ka yar 72 saacadood kaddib markii uu ku guuldarreystay koobka adduunka 2022 ee Qatar.
Paris Saint-Germain ayaa daaha kaga qaaday, boggeeda rasmiga ah ee Twitter-ka in Kylian Mbappe uu soo gaaray xarunta tababarka kooxda, si uu qeyb kaga noqdo tababarka asxaabtiisa kooxda PSG.
Qoraalka lasoo dhigay bogga rasmiga ah Twitter-ka ee kooxda Paris Saint-Germain ayaa waxaa lagu yiri:
“Subax wanaagsan, Mbappe waxa uu ku soo laabtay tababarka maanta oo arbaco ah.”
Kylian Mbappe ayaa ku guulaystay abaal marinta kabaha dahabka ah ee koobka aduunka kadib markii uu dhaliyay 8 gool, wuxuuna kaga hormaray saaxiibkiis Paris Saint-Germain ee Lionel Messi kaas oo dhaliyay 7 gool.
Yeelkeeda, Paris Saint-Germain ayaa isku diyaarinaysa inay wajahdo Strasbourg 28-ka December, kulan ka tirsan Isbuuca 16-aad ee horyaalka Faransiiska.
Gool FM.