(Goal) 17 Maarso 2016 – Shabakadda ciyaaraha ee Goal.com ayaa soo saartay kooxdii ugu wanaagsanayd lugta labaad ee wareegga 16-ka Champions League, kaddib markii ay u kuur gashay kulamadii la ciyaaray usbuucan ee Koobka Horyallada Yurub.
Kulamada la qiimeeyey ee kooxdan laga soo dhex soocay waxaa ka mid ah kulankii Real Madrid ay 2-0 uga adkaatay Roma, kii Atletico Madrid ay 0-0 la gashay PSV, kulankii ay Barcelona 3-1 dirtay Arsenal, ciyaartii barbaraha goolal la’aanta ah ku dhammaatay ee dhexmartay Mancheter City iyo Dynamo Kyiv.
Sidoo kale kulamada la qiimeeyey waxaa ka mid ah ciyaartii waalida ahayd ee Bayern Munich iyo Juventus, taasoo ay 4-2 ku adkaatay Munich iyo ciyaartii kale ee dhexmartay kooxaha Chelsea iyo PSG oo Blues looga adkaatay 2-1.
Kooxda usbuuca ee lugta labaad wareegga 16-ka Champions League waxaa xiddigaha ugu badan ku leh Real Madrid oo ku yeelatay saddexda xiddig ee kala ah goolhaye Navas, Ronaldo iyo Modric, Bayern Munich ayaa iyaduna ku leh labo ciyaaryahan waa Coman iyo Vidal.
Kooxaha Barcelona, Man City, PSG, Atletico Madrid iyo Dynamo Kyiv ayaana shaxda kooxda usbuuca ee lugta labaad wareegga 16-ka Koobka horyaallada Yurub ku yeeshay min hal ciyaaryahan.
Waxaa shaxdan lagu qadiyey weeraryahannada halista ah ee MSN oo metela Barca kuwaasoo Arsenal ka tiray tartanka Champions League ee hoos ka eeg shaxda waana 4-3-3:-
Gool FM.