(Manchester) 06 Agoosto 2017 Kubadd sameeyaha kooxda Manchester City ee Bernardo Silva ayaa rajeeyay in Kylian Mbappe uu kula soo biiro kooxdiisa cusub.
Laacibka reer Portugal ayaa ka soo dhaqaaqay Monaco xaggaagan, wuxuuna ku soo biiray kooxda tababare Pep Guardiola.
Wuxuuna rajeeyay in saaxiibkiisii hore ee Mbappe uu kula soo biiro kooxda Man City maadama uu yahay laacib fiican.
“Mbappe waa laacib fiican, waxaan rajaynayaa inuu nagu soo biiro, laakiin go’aankaas waxaa iska leh Manchester city iyo laacibka” ayuu yiri Bernardo Silva.
“Kylian waxaa suurogal ah inuu noqdo laacib wayn mustaqbalka, haatana wuxuu cagta saaray wadadii xidigaha waa wayn, wuu awoodaa inuu ka mid noqdo ciyaartoyda ugu fiican aduunka”.
“Haddii aad tahay laacib qad dhexe ah waxa ugu wanaagsan ayaa ah inaad hesho weerar yahan Mbappe oo kale waayo waa orod badanyahay waana laacib aqli badan intaas marka laga soo tago waa 18 jir oo kaliya”.
Gool FM