(Paris) 20 Agoosto 2017 Kooxaha ugu tunka wayn horyaalka ingiriiska ayaa ku tartamaya dhamaystirka saxiixa laacibka PSG ee Julian Draxler.
Xiddiga reer Jarmal ayaa bilooyin kooban oo kaliya u ciyaaraya kooxda reer France laakiin Julian Draxler ayaa ka baxay qorshaha tababare Unai Emery kadib markii kooxdu ay heshay Neymar.
Kooxaha Manchester United, Liverpool iyo Arsenal ayaana ku tartamaya saxiixa 23 jirka reer Jarmal sida ay baahisay Mirror.
Julian Draxler oo 40 milyan oo Ginni ugu biiray PSG bishii Janaayo ee bilowgii sanadkaan ayaa haatan lagu heli karaa aduun dhan 32 milyan oo Ginni.
PSG ayaa ku qasban inay iska iibiso Julian Draxler maadama laacibku uu doonayo inuu boos ka helo xulkiisa jarmalka koobka aduunka ee 2018 lagu qabanayo Ruushka.
Gool FM