(Paris) 21 Agoosto 2017. Neymar waxa uu hadal gantaal ah ku riday boodhka Barcelona waxa uuna sheegay in kooxdu u qalanto “Boodh midka hadda jooga ka wacan”.
25 jirka reer Brazil xagaagan ayuu Barcelona uga biiray PSG oo ku qaadatay aduun dhan €222.
Bilow heer sare ah ayuu ka sameeyey PSG isaga oo xalay kulankii ugu horreeyey ee uu Perc de Princes uu ku ciyaaray dhaliyey laba gool.
Neymar kulanka kaddib waxa uu la hadlay wariyeyaasha isaga oo bidhaamiyey qaabkii uu uga soo tagay Barcelona.
“Markii aan imid wax walba si fiican ayey ku bilowdeen laakiin….Barcelona waxaa jooga agaasimeyaal aan ku habooneyn in ay joogaaan. Aad ayaan ugu xanaaqsanay iyaga,” ayey ka soo xigatay Football Espana.
“Afar sano oo farxad leh ayaan halkaas ku qaatay, laakiin wax kuwaas ka wacan ayey u qalmaan. Saaxiibo badan ayaan halkaas ku leeyahay, waxaan rajeynayaa in Barca wax walba u hagaagaan oo ay ku laabtaan koox sidii hore tartanta.”
Neymar waxa uu markale jimcaha u ciyaari doonaa Ligue 1-ka marka ay qaabilaan Saint-Etienne.
Gool FM.