(Nice) 21 Agoosto 2017 Kooxda Nice ee dalka France ayaa ku fikiraysa inay kor u qaado qiimaha lagu burburin karo qandaraaska laacibkeeda Jean Seri.
Xiddigaan ayaa si xoogan diirada ugu saaran Barcelona oo u aragta inuu yahay badalka kubadd abuurahoodii hore ee Xavi Hernandez kaas oo ilaa haatan kooxdu aysan helin badalkii ku haboonaa.
Barcelona ayaa diyaar la ah 40 milyan oo euro oo ah qiimaha lagu burburin karo qandaraaska Jean Seri ee kooxda Nice.
Wargayska L’Equipe oo soo xiganayay ilawareedyo gudaha kooxda Nice ah ayaa baahiyay in kooxdu ay ka shaqaysay 15-kii July qaabkii loo kordhin lahaa qiimaha lagu burburin karo qanadraaska Jean Seri kaas oo kooxdu aysan wali ku dhawaaqin.
Doonista Barcelona iyo kooxo badan oo ay ku jiraan Arsenal iyo Liverpool ayaa lagayaabaa inay ku qasabto kooxda Nice inay kor u qaado qiimaha heshiis burburinta 26 jirka reer Ivory Coast.
Gool FM