(Turin) 22 Maarso 2016 – Kooxda kubadda cagta Juventus ee Waddanka Talyaaniga ayaa la soo warinayaa inay ku fikirayso sidii ay kula soo wareegi lahayd xagaagan dhaliyaha kooxda Arsenal ee Olivier Giroud, haddii ay ku guuldarreysato saxiixa xiddiga Paris Saint-Germain ee Edinson Cavani.
Sida ay warinayso jariiradda shacbiyadda badan ku leh Talyaaniga ee Tuttosport, kooxda Chelsea ayaa xiisaynaysa Cavani, taasina waxa ay dhaxalsiin kartaa Juventus inay bedelkiisa u dhaqaaqaan Giroud.
Xiddiga xulka qaranka Faransiiska ee Giroud ayaa 20 gool u dhaliyey Arsenal tartammadda oo dhan xilli ciyaareedkan, laakiin waxa uu dhaliyey kaliya labo gool tan iyo 13 bishii Janaayo, waxaana muddooyinkii dhawaa uu ku jiray kursiga keydka Gunners.
Haddii ay kooxda Juventus soo qaadato 29-sano jirkaan taasi waxa ay al-baabada u furi doontaa in Arsene Wenger uu qarash badan bixiyo, isla markaana uu Arsenal keeno weeraryahan wayn xagaagan.
Gool FM.