(Madrid) 22 Maarso 2016 – Kooxda kubadda cagta Real Madrid ayaa shaacisay kooxaha ay la ciyaari doonto kulamada saaxiibtinimo ee ay isagu diyaarin doonto xilli ciyaareedka cusub waxaana ay ka horimaan doonaan macalinkoodii hore ee Carlo Ancelotti kaasoo xagaaga hogaaminaya Bayern Munich.
Real Madrid waxa ay la ciyaari doontaa kooxaha PSG iyo Bayern Munich kulamadeeda fasaxa xagaaga ay ku tagayso waddanka Mareykanka.
Kooxda Los Blancos ayaa kula ciyaari doonta kooxda reer France magaalada Columbus gobolka Ohio ee dalka Mareykanka 27-ka bisha July, halka 3 bisha August ay magaalada New Jersey kula ciyaari doonaan kooxda Jarmalka ee Bayern Munich.
Kulanka Real Madrid iyo Bayern ayaa la micno ah in Real Madrid ay dib u la midoobi doonto tababarahoodii hore ee Carlo Ancelotti oo u qaaday ‘Décima’ sanadkii 2014-kii, kaasoo shaqada kooxda Real Madrid laga cayriyey dhammaadkii xilli ciyaareedkii hore, isagoo qaban doona Bayern Munich oo uu ka bedelay macallin Pep Guardiola dhammaadka xilli ciyaareedkan.
Gool FM.