(Amsterdam) 22 Maarso 2016 – Xiddiga kooxda kubadda cagta Manchester United ee Memphis Depay ayaa gaaray dalkiisa Holland waxaana uu durba halkaas ka bilaabay tababarka xulkiisa Dutch uu isugu diyaarinayo kulamada saaxiibtinnimo ee ku soo addan oo ay la leeyihiin xulalka France iyo England.
Waxa uu Memphis Depay ka mid yahay shaxda xulkiisa Holland labada kulan ee saaxiibtinnimo oo ku soo aaddan, waxaana markii uu gaaray dalkiisa uu halkaas kula kulmay wiil yar oo taageero ah.
Ciyaaryahanka garabka uga ciyaara kooxda Man United ayaa ka maqnaa labadii kulan ee ugu dambeeyey oo ay ciyaartay kooxda tababare Louis van Gaal, laakiin Depay hadda waxa uu rajaynayaa inuu qaab ciyaareedkiisa fiican ku heli doono xulkiisa qaranka Holland.
SAWIRRO:
Gool FM.