(Paris) 24 Maarso 2016 – Kooxda kubadda cagta Paris Saint-Germain ayaa la soo warinayaa inay bartilmaameedkeeda sare ee ay suuqa ka doonayso xagaagan ka dhigatay weeraryahanka Liverpool ee Daniel Sturridge.
Kooxda haysata horyaalka Faransiiska ayaa la fahansan yahay inay indhaha ku hayaan inay soo qaataan weeraryahan cusub marka uu dhammaado xilli ciyaareedkan hadda socda, iyadoo Zlatan Ibrahimovic iyo Edinson Cavani labadaba la la xiriirinayo inay isaga tagi doonaan kooxda.
Sida ay warinayso jariiradda The Sun hadda waxa ay PSG ku darsatay liiska weeraryahannada ay suuqa ka doonayso Sturridge, waxaana ay ku qarash garayn doonaan 50 milyan oo gini xiddiga xulka qaranka England.
Wararku waxaa kale oo ay intaa ku darayaan in kooxdu ay wafdi u soo diri doonto magaalada London, gaar ahaan kulanka saaxiibtinnimo ee Talaadada dhex mari doona xulalka England iyo Holland, si ay u daawadaan weerarayahanka.
26-sano jirkaan ayaa 7 gool u dhaliyey kooxda Reds xilli ciyaareedkan 14 kulan oo uu u saftay.
Gool FM.