(Madrid) 30 Agoosto 2017 Weerar yahanka reer France ee Kylian Mbappe ayaa waqti uun u jira in PSG ay shaaciso heshiis amaah ah oo uu ugu biirayo xaggaagan.
Aabaha dhalay Kylian Mbappe ayaa sheegay in wiilkiisu uu ku dhawaa inuu ku biiro kooxda da’yarta ee Real Madrid sanadkii 2013 markaas oo uu ahaa 15-jir.
Wuxuuna intaa ku daray in Zidane oo ka tagay xilkii tababarenimo ee da’yarta Real Madrid ay keentay inuu burburo heshiiskii uu ugu biirayay.
Zidane ayaana waqtigaas loo magacaabay caawiyaha tababaraha reer talyaani ee Carlo Ancelotti kaas markaas uun loo magacaabay tababaraha Real Madrid.
“Dhawr kulan ayaan la qaadanay Mr Zidane, laakiin markii uu caawiye u noqdo Ancelotti ma uusan helin waqti ku filan si uu ula wareego arimaha Kylian Mbappe” ayuu yiri Aabaha dhalay laacibka.
“Haddii Zidane uu sii ahaan lahaa tababaraha Real Madrid castilla, waxaa lagayaabi lahaa in Mbappe uu dooran lahaa Real”.
Gool FM