(Barcelona) 30 Agoosto 2017 Laacibka kooxda PSG ee Angel Di Maria ayaa waydiistay tababaraha kooxdiisa inuu u ogolaado ku biirida Barcelona.
Barnaamijka El Larguero ee ka baxa idaacada Cadena Ser ee dalka Spain ayaa lagu sheegay in Di Maria uu ka dalbaday tababarihiisa Unai Emery inuu u fasaxo u dhaqaaqida Barcelona.
Di Maria ayaa si wayn u xiisaynaya inuu Messi kula biiro Barcelona, sidaas darteed ayuu uga codsaday tababare Unai Emery inuu u ogolaado ka tagista kooxda xaggaagan.
Waxaa jira warar sheegaya in Barcelona ay hordhigtay PSG laba dalab oo ay ku doonayaan Di Maria balse kooxda reer France ayaa soo diiday dhamaan dalabyadaas.
Barcelona ayaa qorshaynaysa inay dalab 3-aad hordhigto PSG laakiin waa haddii ay ku soo guul daraysato saxiixa Coutinho.
Gool FM