(Paris) 31 Agoosto 2017 Kooxda PSG ayaa si rasmi ah ugu dhawaaqday saxiixa weerar yahankii kooxda Monaco ee Kylian Mbappe.
PSG ayaa ku soo qaadatay Kylian Mbappe amaah hal xiliciyaareed ah iyaga oo kula wareegi kara xaggaaga dambe lacag dhan 180 milyan oo euro.
Kylian Mbappe ayaa goor sii horaysay ka gudbay tijaabada caafimaadka ee PSG, wuxuuna noqonayaa laacibka labaad ee ugu qaalisan adduunka kadib Neymar.
Qiimaha dhabta ah ee laacibka ayaa ah 145 milyan oo euro halka 35 milyan oo euro ay tahay lacag dheeri ah oo ku xiran qaab ciyaareedka laacibka, wuxuuna qalinka ugu duugayaa PSG ilaa 2022.
18 jirkaan ayaa iska diiday u dhaqaaqida Real Madrid, Arsenal iyo Manchester City, wuxuuna doortay kooxda tababare Unai Emery ee PSG.
Gool FM