(London) 31 Agoosto 2017 Kooxda Tottenham ayaa si rasmi ah u shaacisay heshiiska daaficii PSG ee Serge Aurier kaas oo ay ku soo qaateen adduun dhan 23 milyan oo Ginni.
Serge Aurier ayaa saaka ka gudbay tijaabada caafimaadka ee kooxda Tottenham, wuxuuna qalinka ugu duugay heshiis 5-sano ah.
24 jirkaan ayaa ku qasbanaaday inuu ka tago PSG kadib markii uu boos joogto ah ka waayay safka tababare Unai Emery.
Tottenham ayaa ka dul qaaday kooxo dhawr ah saxiixa Serge Aurier kaas oo maalmo ka hor loo ogolaaday inuu soo gali karo ingiriiska.
Gool FM